سەرەتا / فێرکاری / چۆن له‌ماوه‌ى 7 ڕۆژدا فێرى زمانێكى بێگانه‌ ده‌بیت

چۆن له‌ماوه‌ى 7 ڕۆژدا فێرى زمانێكى بێگانه‌ ده‌بیت

ئه‌گه‌ر فێربوونى زمان له‌ ڕابردوودا ته‌نیا حه‌زێكبوو، بۆ سه‌رده‌مى ئه‌مڕۆ پێویستیه‌، چونكه‌ زانینى زمانێكى زیاتر واتاى زیاتربوونى هه‌لى كار و فراوانبوونى بوارى به‌رده‌مت بۆ بوون به‌ كه‌سێكى دیار و سه‌ركه‌وتووه‌.

زۆر كه‌س هه‌ن حه‌زبه‌ فێربوونى زمانى بیانى ده‌كه‌ن، له‌م پێناوه‌شدا هه‌وڵى زۆرده‌ده‌ن، جگه‌ له‌ ماندوبوونى خۆیان ئاماده‌ن پاره‌یه‌كى زۆر خه‌رجبكه‌ن، به‌ڵام ئه‌گه‌ر بێینه‌ سه‌ر ڕاستى بابه‌ته‌كه‌، فێربوونى زمان نه‌ ئه‌و كاره‌ مه‌حاڵه‌یه‌ كه‌ كه‌س نه‌توانێن بیكات نه‌ ئه‌و شته‌ به‌ده‌ستنه‌هاتووه‌یه‌ كه‌ پێویستى به‌ فێربوونى پاره‌یه‌كى زۆر بێت.

له‌م بابه‌ته‌دا كۆمه‌ڵێك ته‌كنینى گرنگ و كاریگه‌ر خراونه‌ته‌ڕوو كه‌ یارمه‌تیده‌ر ده‌بن له‌ فێربوونى زمانێكى بیانى ته‌نیا له‌ماوه‌ى حه‌وت ڕۆژدا كه‌ گرنگترینیان بریتین له‌:

هه‌نگاوى یه‌كه‌م
سه‌ره‌تا زمانێكى دیاریكراو هه‌ڵبژێره‌ و بشزانه‌ بۆچ مه‌به‌ستێك ده‌ته‌وێت فێرى ببت. بۆنمونه‌ ده‌ته‌وێت گه‌شتێك بكه‌یت و پێویستت به‌ زمانى ئه‌و وڵاته‌یه‌ كه‌ گه‌شته‌كه‌ى بۆ بكه‌یت، ئه‌وكات ئه‌و به‌شه‌ى زمانه‌كه‌ فێربه‌ وه‌ك سه‌ره‌تایه‌ك كه‌ په‌یوه‌سته‌ به‌ گه‌شتكردنه‌وه‌، چونكه‌ هیچ زمانێك ئه‌وه‌نده‌ كورت نیه‌ بتوانین به‌ هه‌فته‌یه‌ك هه‌موو وه‌ربگریت.
هه‌نگاوى دووه‌م
ده‌ستبكه‌ به‌ فێربوونى وشه‌ و ده‌سته‌واژه‌ و ڕێزمانى زمانه‌كه‌، به‌ڵام ئاگاداربه‌ ڕۆمه‌چۆره‌ ناوى، بۆنمونه‌ كه‌ ڕێزمان فێرده‌بیت ته‌نها  زه‌مه‌نه‌كانى ڕابردوو، ڕانه‌بردوو و داهاتوو فێربه‌، ئیتر مه‌چۆره‌ ناو ورده‌كارییه‌كانه‌وه‌.
هه‌نگاوى سێیه‌م
هاوڕێیه‌ك بدۆزه‌ره‌وه‌ كه‌ زمانه‌كه‌ به‌ باشى بزانێت، یه‌كسه‌ له‌گه‌ڵ هه‌نگاوى یه‌كه‌م ده‌ستبكه‌ به‌ قسه‌كردن له‌گه‌ڵى، مه‌ڵێ هه‌ڵه‌ئه‌كه‌م، خراپم، نازانم، چونكه‌ ئه‌گه‌ر له‌ حاڵه‌تێكدا هه‌ڵه‌ى زۆر خراپیش بكه‌یت و پێت پێبكه‌نێت له‌ كۆتایدا ده‌بێته‌ ئه‌زمونێك و دووباره‌ى ناكه‌یته‌وه‌، له‌به‌رئه‌وه‌ هه‌وڵبده‌ به‌ به‌رده‌وامى قسه‌ى له‌گه‌ڵ بكه‌یت.
هه‌نگاوى چواره‌م
له‌و شتانه‌وه‌ ده‌ستپێبكه‌ كه‌ حه‌زت لێیانه‌، ئه‌گه‌ر حه‌زت له‌ گۆرانییه‌، به‌ گۆرانى فێربه‌، ئه‌گه‌ر حه‌زت له‌ فیلمه‌ زیاتر گوێ له‌ فیلم ڕاگره‌، ئه‌گه‌ر حه‌زت له‌ ڤیدیۆ و بابه‌تى سه‌رنجڕاكێشه‌، سه‌یرى ڤیدیۆ بكه‌، به‌ڵام له‌بیرت نه‌چێت ئه‌و وشه‌ و ده‌سته‌واژانه‌ى كه‌ ده‌یانزانیت به‌كاریان بهێنه‌ به‌ به‌رده‌وامى.
هه‌نگاوى پێنجه‌م
هه‌وڵبده‌ ئه‌گه‌ر كه‌مێكیش بووه‌ له‌باره‌ى كه‌لتورى ئه‌و زمانه‌وه‌ بخوێنیته‌وه‌ كه‌ فێرى ده‌بیت، چونكه‌ قسه‌كردن به‌ زمانێكى بیانى ته‌نیا وه‌رگێڕانى هه‌ست و قسه‌ نیه‌ له‌ زمانه‌كه‌ى خۆته‌وه‌ بۆ ئه‌و زمانه‌ى كه‌ فێرى ده‌بیت، به‌ڵكو ده‌ربڕینى بیكردنه‌ و قسه‌ و ڕۆشنبیرى تۆیه‌ به‌ زمانێكى تر كه‌ به‌كارهێنه‌ره‌كانى خاوه‌نى كه‌لتورێكى جیاواز و ژینگه‌یه‌كى جیاوان ، له‌به‌ر ئه‌وه‌ ئاگاداربه‌ پێویسه‌ ئه‌و ڕێگایه‌ هه‌ڵبژێریت كه‌ گوێگره‌كه‌ت تۆى له‌ڕێگه‌وه‌ ده‌ناسێت و پێى قبوڵه‌.

وه‌رگێڕانى: ئاهه‌نگ حسێن

دەربارەی Ahang Hussein

ئه‌ندامى ئه‌نجومه‌نى گه‌نجانى كوردستان، خاوه‌نى زیاتر له‌ پێنج ساڵ ئه‌زمون له‌ میدیا و مافى مرۆڤ و كۆمه‌ڵگه‌ى مه‌ده‌نى و ڕاهێنانى توانا مرۆییه‌كان و گه‌نجان.

ئەمەشببینە

بەردەوامی کارو پڕۆژەکانمان لە شاری هەڵەبجەی شەهید

بەردەوامی کارو پڕۆژەکانمان لە شاری هەڵەبجەی شەهید ڕیکخراوی ئەنجومەنی کوردستان هەستا بە هاوکاریکردن و سپۆنسەرکردنی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *