سەرەتا / تەندروستی / چاره‌سه‌ركردنى ئه‌م شێرپه‌نجانه‌ ئاسانه‌

چاره‌سه‌ركردنى ئه‌م شێرپه‌نجانه‌ ئاسانه‌

ئه‌نجامه‌كانى نوێترین توێژینه‌وه‌كان دەریانخستووە نه‌خۆشانى توشبوو به‌ شێرپەنجه‌كانى مه‌مك، سایرۆید(گرێ لیمفاوییه‌كا)، پڕۆستات، منداڵدان،
پێست و گون بەختی زۆریان هەیە بە دەرمان چارەسەربكرێن.

 

شێرپەنجەی مەمك:

شێرپەنجەی مەمك، یەكێك لەو شێرپەنجانەیە كەلە هەموو جۆرەكانی تر ئاسانتر چارەسەر دەكرێت، ئه‌نجامى به‌شێك له‌ توێژینه‌وه‌ ته‌ندروستیه‌كان كه‌لە ئەمەریكا ئه‌نجامدراون ده‌ریانخستووه‌، ئەگەر ئەندازەی لو (گرێ شێرپه‌نجه‌ییه‌كه‌) لە دوو سانتیمەتر بچووكتر بێت، چانسى چاره‌سه‌ركردنى به‌ڕێژه‌ى 100% ده‌بێت.

 

شێرپەنجەی پڕۆستات:

شێرپەنجەی پڕۆستات له‌و جۆرە شێرپەنجانه‌یه‌ كه‌ خانەكانی زۆر بە خاوی گەشە دەكەن و بەگوێرەی توێژینه‌وه‌ك كە ئەمساڵ بڵاوكراوه‌ته‌وه‌، تەمەنی ئەو كەسانەی تووشی شێرپەنجەی پرۆستات بوون، هاوشێوەیە لەگەڵ تەمەنی پیاوانی تەندروست، بەو مەرجەی لە ژێر چاودێری پزیشك و دەرماندا بێت.

 

شێرپەنجەی پێست:

باوترین جۆری شێرپەنجە بریتییە لە شێرپەنجەی پێست، دەرمانكردنی ئەو جۆرە شێرپەنجەیە لە قۆناغی یەكەمیدا ئەگەر ئاشكرابكرێت زۆر ئاسانە. لەكەی پێست لەسەر روو و نێوانی پەنجەكان نیشانەی ئەو جۆرە شێرپەنجەیەن و پێویستە گرنگییان پێ بدرێت و خێرا پزیشكی لێ ئاگاداربكرێتەوە.

 

شێرپەنجەی سایرۆید (گرێ لیمفاوییه‌كا):

پزیشك دوای ئەوەی لەو جۆرە شێرپەنجەیە ئاگاداردەكرێتەوە، لووەكە دەردەهێنێت و دەبێت نەخۆش دوای ئەو هەنگاوە دەرمانی تایبەت بخوات و به‌مه‌ش له‌ چاره‌سه‌ركردن نزیكده‌بیته‌وه‌.

 

شێرپەنجەی منداڵدان:

بەهۆی ئەوەی كە شێوازەكانی هەڵسەنگاندن و دەستنیشانكردنی نەخۆشیه‌كان پێشكەوتووە، یەكێك لەو جۆرە شێرپەنجانەی بە ئاسانی چارەسەر دەكرێت، بریتییە لە شێرپەنجەی منداڵدان بەو مەرجەی خێرا ئاشكرابكرێت و تەشەنە نەكات.

 

شێرپەنجەی گون:

ئەم جۆرە شێرپەنجەیەش چارەسەركردنەكەی یەكێك لە دەستكەوتەكانی دەیەی رابردووی زانستی پزیشكییە و ئەگەر خێرا بزانرێت كەسەكە شێرپەنجەی گونی هەیە، ئەوا بەختی زیندوومانەوەی نەخۆشەكە به‌ ڕێژه‌ى 98% دەبێت.

 

زانستى پزیشكى ده‌ریخستووه‌ یەكێك لە گرنگترین هەنگاوەكان بۆ چارەسەركردنی شێرپەنجە، بریتییە لەوەی كە زوو ئاشكرا بكرێت و دەست بە چارەسەركردنی بكرێت، له‌به‌رئه‌وه‌ زوو ده‌ستنیشانكردنى ڕێگایه‌كه‌ بۆ زوو چاره‌سه‌ركردنى.

دەربارەی Zhalla Kamil

خوێندکاری فاکه‌ڵتی زانست به‌شی کیمیا و نوسەری بابەتی زانستی

ئەمەشببینە

مه‌ڕاسیمى ڕاگه‌یاندنى پڕۆژه‌ى نێوده‌وڵه‌تى لۆنگ لیڤ كوردستان به‌ڕێوه‌چوو

ڕۆژى شه‌ممه‌ 19ى ئاب، مه‌ڕاسیمى ڕاگه‌یاندنى پڕۆژه‌ى نیوده‌وڵه‌تى لۆنگ لیڤ كوردستا به‌ به‌شدارى هه‌زران گه‌نج …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *